Ҳиндистонда крикет стадиони олдидаги тиқилинчда 11 киши ҳалок бўлди
Ҳиндистонда RCB крикет жамоаси ғалабасини нишонлаш чоғида юз берган тиқилинчда 11 киши ҳалок бўлди, 47 киши жароҳат олди. Бу ҳақда Hindustan Times хабар берди.
Тиқилинч Бенгалурудаги М. Chinnaswamy стадиони олдида Royal Challengers Bengaluru жамоасининг IPL 2025 чемпионлигини нишонлаш вақтида юзага келган.
Қайд қилинишича, тадбир вақтида мухлисларнинг оммавий тўпланиши ва олдинга сурилиши тиқилинчга сабаб бўлган.
Карнатака штатининг бош вазири Сиддарамайя айтишича, оломон стадионнинг дарвозаларидан бирини синдириб, байрам тадбирларида қатнашиш учун ичкарига киришга уринган.
Расмийларга кўра, бу ҳолатда айбдорлар ҳозирча аниқланмаган, Cуббон Парк полицияси томонидан терговга оид баённома расмийлаштирилган. Карнатака штати бош прокурори Шаши Киран Шеттй воқеага ҳуқуқий баҳо берилишини ва барча зарур чоралар кўрилаётганини таъкидлаган.
Воқеа юзасидан Карнатака олий суди бугун, 5 июнь куни ташаббус билан иш қўзғаб, масалани зудлик билан кўриб чиқишга қарор қилган.
Суд тергови давомида тўлиқ фактлар тақдим этилиши режалаштирилган.
