Лицензиясиз хорижга ишга жўнатувчи ташкилотларга қарши қатъий чоралар кўрилмоқда
Ўзбекистонда сўнгги вақтларда лицензияга эга бўлмаган ҳолда фуқароларни хорижга ишга жойлаштиришни ваъда қилаётган фирмаларга нисбатан назоратни кучайтирди. Бу ҳақда Миграция агентлиги хабар берди.
Қайд қилинишича, 22 aпрельдаги Вазирлар Маҳкамасининг 252-сонли қарорига мувофиқ, хорижда фуқароларни ташкиллаштирилган тартибда ишга жойлаштириш фақат Миграция агентлиги ва ушбу агентлик томонидан лицензия берилган хусусий бандлик агентликлари орқали амалга оширилиши мумкин.
Шу билан бирга, «Хусусий бандлик агентликлари тўғрисида»ги Қонунга асосан, лицензиясиз бундай фаолият юритиш тақиқланган.
Агентлик маълумотларига кўра, WОRLDVISA МЧЖ, Everyone Consult МЧЖ ва Adworld Group МЧЖ каби ташкилотлар ижтимоий тармоқлар орқали хорижда иш ваъда қилиб, фуқаролардан пул йиққан, бироқ хизмат кўрсатмаган ҳолатлар қайд этилган. Мазкур фирмаларга нисбатан ҳуқуқбузарликлар бўйича чоралар кўрилган ва тегишли жарималар қўлланилган.
Рўйхатдан ўтган хусусий бандлик агентликлари рўйхати билан gov.uz сайти орқали танишишингиз мумкин.
