Мактабларда қишки таътил 29 декабрдан бошланади

Мактабгача ва мактаб таълим вазирлиги Ўзбекистон мактабларида қишки таътил 29 декабрдан бошланишини эълон қилди.

Қайд этилишича, ота-оналар, ўқувчилар ва педагогларга қулайлик яратиш ҳамда ўқув жараёнларининг узлуксизлигини таъминлаш мақсадида қишки таътил кунлари 2024 йил 29 декабрдан бошланиб, 2025 йил 11 январга қадар давом этади.

Бунда мактабларда 2025 йил 11 январь (шанба) кунига белгиланган дарслар 2024 йил 28 декабрь (шанба) кунига ўтказилади ҳамда ўқув йилининг 3-чораги 2025 йил 13 январь (душанба)дан бошланади.

Аввалроқ, талабаларнинг таътил муддати ҳақида хабар берган эдик.