Ўзбекистонда чанг бўронларга қарши курашишда миллий дастури ишлаб чиқилди
Президент Шавкат Мирзиёев 19 сентябрь куни атроф-муҳитни муҳофаза қилиш ва туризм соҳаларига оид таклифлар тақдимоти билан танишди.
Тадбирда ҳаво тозалигини сақлаш, атроф-муҳитга антропоген омиллар таъсирини камайтириш масалалари муҳокама қилинди.
Хусусан, иккита дастур ишлаб чиқилган:
• биринчиси, 2024-2030 йилларга мўлжалланган даврда чанг бўронларига қарши курашиш ва уларнинг оқибатларини юмшатиш бўйича миллий дастур. Ушбу ҳужжат «Евро-4» стандартидан паст тоифадаги ёқилғини сотиш ва фойдаланишни босқичма-босқич тўлиқ тақиқлашни назарда тутади. Бунга эришиш учун Бухоро ва Фарғона нефтни қайта ишлаш заводлари юқори сифатли ёқилғи ишлаб чиқариш учун модернизация қилинади.
• иккинчиси – Тошкент шаҳридаги атмосфера ҳавоси сифатини яхшилашга қаратилган чора-тадбирлар дастури бўлиб, унга кўра, яқин беш йилда Тошкент вилоятининг пойтахти ва унинг атрофидаги туманларда 441 гектар майдонда яшил ҳудудлар ва боғлар барпо этилади.
Шунингдек, cанитария тозалаш ишларини тартибга солиш мақсадида мавжуд марказ негизида чиқиндиларни бошқариш ва айланма иқтисодиётни ривожлантириш агентлигини ташкил этиш таклиф этилмоқда. Санитария тозалаш корхоналари учун ҳам иш кўрсаткичларига кўра уларни уч тоифага бўлган рейтинг тизими жорий этилади.
Маълум қилинишича, баландлиги 12 метрдан ортиқ ёки умумий майдони 500 квадрат метрдан ортиқ бўлган янги қурилган биноларни лойиҳалашда унга туташ ҳудуднинг камида 25 фоизи ободонлаштирилган бўлиши шарт. Бундан ташқари, атроф-муҳитга сезиларли таъсир кўрсатадиган саноат корхоналардан яшил зоналарни яратиши талаб қилинади.
