Германия чегараларида назоратни кучайтирди

Германия икки кунда 286 нафар ноқонуний муҳожирни депортация қилди. Бу ҳақда Reuters хабар берди.

Хабарга кўра, Германия ҳукумати 7 майдан бошлаб мамлакат чегараларида назоратни кучайтирган. Бу чоракнинг дастлабки натижаларига кўра, икки кун мобайнида 365 нафар ноқонуний муҳожир қўлга олинган.  

Қайд қилинишича, муҳожирларнинг қўлга олинишига қуйидаги ҳолатлар сабаб бўлган:

• визасиз кириш;

• сохта ҳужжатлар тақдим этиш;

• чегарани ноқонуний равишда кесиб ўтиш.

Маълумотларга кўра, ушланганларнинг фақатгина 23 нафари қочқин мақомини сўраган. Шунга қарамай, улардан 19 нафари депортация қилинган.

Бундан ташқари, яна 14 киши ноқонуний миграцияни ташкил этишда, 9 киши эса экстремизм билан боғлиқликда гумон қилинмоқда.

Aвваллари кунига ўртача 120 нафар муҳожир қайтарилган бўлса, ҳозир бу кўрсаткич 190 нафарга етди.