Тошкентда «Чинор» метро бекати фаолияти қайта тикланмоқда
Мутахассислар барча қурилиш ва реконструкция ишларини якунладилар
29 июлдан эътиборан «Чинор» метро бекати фаолияти қайта тикланади, хабар беради Тошкент метрополитени матбуот хизмати.
Эслатиб ўтамиз, Тошкент метрополитенининг «Чинор» метро бекати йўловчилар учун янада қулай ва замонавий инфратузилма яратиш ҳамда реконструкция ишларини амалга ошириш мақсадида вақтинча ёпилган эди.
Натижада, мазкур бекатда кенг кўламли реконструкция ва кенгайтириш ишлари амалга оширилган.
Мазкур ишлар якунига етказилгани муносабати билан «Чинор» метро бекати жорий йилнинг 29-июль куни соат 05:00 дан бошлаб йўловчилар учун тўлиқ фаолиятини қайта бошлайди.
Реконструкция жараёнида бекатнинг кириш ва чиқиш қисмлари сезиларли даражада кенгайтирилди.
Хусусан, аввал 6 та бўлган турникетлар сони 13 тага етказилди. Шунингдек, йўловчилар учун ноқулайлик туғдириб келган ўтиш йўлаклари қайта лойиҳалаштирилиб, бекатдан бекатга тўғридан-тўғри ўтиш имконияти яратилди.
Бекат авваллари кун давомида ўртача 15 минг нафар йўловчига хизмат кўрсатган бўлса, эндиликда кунига 35–40 минг нафаргача йўловчига сифатли хизмат кўрсатиш имкониятига эга бўлди.
