Наманганда учта автомобиль тўқнашуви оқибатида 3 киши ҳалок бўлди
Наманган вилояти Чуст шахрида учта автомобиль иштирокида тўқнашув содир бўлди. Бу ҳақда «Миллар» дастури хабар бермоқда.
Ҳодиса 8 январь куни содир бўлган. Lacetti ҳайдовчиси бошқарувни йўқотиб, қарама-қарши бўлакка чиқиб кетган ва у ерда Labo ва Damas автомобиллари билан тўқнашган.
Ҳодиса оқибатида уч киши тан жароҳатлари туфайли воқеа жойида ҳалок бўлган.
Ҳозирда ҳуқуқ-тартибот идоралари ходимлари томонидан терговга қадар текширув ишлари олиб борилмоқда.
