Намангандаги корхона салкам 350 млн сўмлик электрдан ноқонуний фойдалангани аниқланди 

Наманган вилоятида 346,7 млн сўмлик электр энергиясидан ноқонуний фойдаланган МЧЖ аниқланди. Бу ҳақда «Ўзэнергоинспекция» хабар берди. 

Унда айтилишича, ҳолат “Ўзэнергоинспекция” Наманган вилоят ҳудудий бошқармаси ва вилоят прокуратураси ҳамкорлигида ўтказилган назорат тадбирида аниқланган. Янгиқўрғон туманида жойлашган “М.Х.Ф.” МЧЖга қарашли бинода таъминот корхонаси билан шартнома расмийлаштирмасдан, электр энергиясидан ноқонуний фойдаланиб келган.

Ушбу қоидабузарлик натижасида дастлабки ҳисоб-китобларга кўра электр таъминоти корхонасига 346,7 млн сўмлик зарар етказгани маълум бўлди.

Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.

Наманган