Нукусда қурилаётган кўп қаватли уйларнинг камчиликлари топилиб, унинг девори бузиб ташланди
Нукусда қурилаётган кўп қаватли турар жой биносида камчилик аниқланиб, уйнинг девори бузиб ташланди. Бу ҳақда ЎзА хабар берди.
Фото: O’zA
Хабарга кўра, Нукус шаҳри Татибаев кўчасида қурилаётган кўп қаватли турор жой биносида камчиликлар аниқланиб, бинонинг деворлари қайта тиклаш учун бузиб ташланган.
«Аниқланган камчиликларни бартараф қилиш мақсадида бинода олиб борилаётган қурилиш-монтаж ишлари тўхтатилиб, турор жой биносининг деворлари қайта тиклаш учун бузилмоқда», — дейилади хабарда
Маълум қилинишича, мазкур объектнинг лойиҳа ҳужжатлари «Арх энерго проект» МЧЖ томонидан ишлаб чиқилган, қурувчи эса «Нукус Шахзода Афруз» МЧЖ бўлган.
