Қорақалпоғистонда браконерлар 750 млн сўмлик балиқни ноқонуний овлади
Қорақалпоғистонда ноқонуний балиқ овлаш ҳолати аниқлангани ҳақида Экология вазирлиги матбуот хизмати хабар бермоқда.
Мутахассислар Тахиатош туманидаги табиий кўлда уч нафар фуқаро ноқонуний балиқ овлаш билан шуғулланганини аниқладилар. Улар тақиқланган воситалардан фойдалангани таъкидланди.
Натижада 5 та сазан, 1 та илонбош, 195 та оқ дўнгпешона, 2 та карас ва 5 та чехон балиғи ноқонуний овлангани маълум қилинди.
Етказилган зарар 752,6 миллион сўмни ташкил этди. Ҳозирда терговга қадар текширув ҳаракатлари олиб борилмоқда.
