Тошкентда ўртача ойлик иш ҳақи 11,6 млн сўмдан ошди
Статистика қўмитаси ҳисоботига кўра, 2026 йилнинг январь-март ойларида Ўзбекистонда ўртача ойлик номинал иш ҳақи 6,8 млн сўмдан ошди.
Қайд этилишича, ўтган йилнинг шу даврига нисбатан ўсиш 17,4% ташкил этган. Шу ўринда энг кўп маош Тошкент шаҳрига тогри келган. Хусусан ўртача ойлик иш ҳақи 11,6 миллион сўмни (ўсиш 18,8 фоиз) ташкил этган.
Навоий вилояти 8,4 млн сўм (ўсиш 15,7 фоиз) билан иккинчи ўринда, Тошкент вилояти 6,1 млн сўм (ўсиш 13,9%) билан учинчи ўринни эгаллаган.
