Самарқандда фуқарони ДХХга ишга киритиб қўйишни ваъда қилган эркак ушланди
Самарқанд виоятида фуқарони Давлат хавфсизлик хизматига ишга киритиб қўйиш эвазига 50 минг доллар пора олган эркак қўлга олинди.
Маълум бўлишича, ДХХ ва ИИБнинг Самарқанд вилояти бўйича бошқармалари ходимлари томонидан тезкор тадбир ўтказилган. Унда фирибгарлик жиноятини содир этгани учун бир неча бор судланган эркак фуқарони ДХХга киритиб қўйишни ваъда қилгани аниқланган. Қайд этилишича, у бунинг эвазига 50 000 доллар олаётган вақтида қўлга олинган.
Шунингдек, Наманган вилояти Фавқулодда вазиятлар бошқармаси ходими ҳам пора билан ушланган. У фуқаронинг фарзандини танишлари орқали ички ишлар идораларига ишга киритиб қўйиш учун 5000 доллар олган вақтида қўлга тушган.
