Ўзбекистонда 2021 йилда йўл-транспорт ҳодисалари оқибатида неча киши ҳалок бўлгани маълум қилинди

Ўзбекистонда 2021 йил давомида содир этилган йўл-транспорт ҳодисалари оқибатида 2426 киши ҳалок бўлди. Ички ишлар вазирлиги ахборот хизмати ЙТҲлар бўйича йиллик статистикани тақдим қилди.

Маълум бўлишича, мамлакат бўйича 2021 йилда жами 10 001 та йўл транспорт-ҳодисаси содир бўлган. Қуйида уларнинг ҳудудлар кесимидаги кўрсаткичлари эълон қилинган:

• Қорақалпоғистон — 506 та;
• Хоразм — 342 та;
• Бухоро — 436 та;
• Навоий — 329 та;
• Самарқанд — 1129 та;
• Қашқадарё — 552 та;
• Сурхондарё — 376 та;
• Жиззах — 321 та;
• Сирдарё — 202 та;
• Тошкент вилояти —1336 та;
• Тошкент шаҳри — 1073 та;
• Наманган — 1082 та;
• Андижон — 848 та;
• Фарғона — 1469 та.

Шунингдек, содир бўлган ЙТҲларнинг 268 тасида аёллар айбдор деб топилган бўлса, 9733 тасида эркаклар томонидан хатоликка йўл қўйилгани айтилган.