Россия автомобиль бензини экспортини қайта тиклади
Россия ҳукумати ички бозорнинг тўйинганлиги сабабли автомобиль бензини экспортига қўйилган вақтинчалик чекловларни бекор қилмоқда. Бу ҳақда ҳукуматнинг тегишли қарори қабул қилинган.
Қарорга кўра, 17 ноябрдан автобензинни экспорт қилишга қўйилган вақтинчалик тақиқни бекор қилинган.
«Сўнгги икки ойда нефтни қайта ишлаш заводида юқори ҳажмдаги нефтни қайта ишлашни сақлаб қолган ҳолда, ички бозорни тўлдириш таъминланди ва автобензин етказиб беришда, жумладан, биржа савдо каналида профицит яратилди. Натижада, экспортга тақиқ жорий этилганидан буён автобензиннинг биржа улгуржи нархлари сезиларли даражада пасайган. Автомобиль бензини захиралари тахминан 2 миллион тоннани ташкил қилади», – дейилади хабарда.
Россия бензин экспортини қайта тиклагани Ўзбекистон каби бензин импорт қилувчи давлатларда бензин танқислигини ва нархини барқарорлаштириши мумкин.
