Трамп Россияга Украина билан урушни якунлаш учун 10 кун муҳлат берди
АҚШ президенти Доналд Трамп Россияга, Украина билан ўт очишни тўхтатиш ва тинчлик келишувига эришиш учун 10 кун муҳлат берди. Бу ҳақда Америка етакчиси 29 июл куни журналистларга маълум қилди.
Россияда Украинага қарши урушни тугатиш учун бугундан бошлаб 10 куни бор, — дейди Трамп.
Унинг таъкидлашича, агар Россия расмийлари ҳарбий ҳаракатларни тўхтатишдан бош тортса, аввалроқ эълон қилинган савдо божлари жорий қилинади. Бироқ, Трамп ушбу чоралар «уларга таъсир қилиши ёки аксинча таъсир қилмаслиги» мумкинлигини айтиб ўтди.
Бир кун аввал Россия етакчисининг матбуот котиби Дмитрий Песков Трампнинг ултиматум муддатини қисқартириш ҳақидаги баёнотига жавоб қайтарди. Кремл вакили, Москва Украина атрофидаги можарони тинч йўл билан ҳал қилиш жараёнида Россия манфаатларини таъминлаш тарафдори эканлигини билдирди.
Эслатиб ўтамиз, 14 июл куни Трамп Москвага Киев билан тинчлик сулхини тузишни талаб қилиб, 50 кунлик ултиматум берган эди. Бироқ 28 июл куни у Путинни янги зарбаларда айблаб, муддатни 10 кунга қисқартирди
Агар бу талаб бажарилмаса, у Россиядан импорт қилинадиган товарларга 100 фоизлик тарифлар, шунингдек, ундан нефт, газ ва бошқа энергия ресурсларини сотиб олувчи давлатларга иккиламчи божлар жорий этиш билан таҳдид қилган.
