Трамп Россияга қўйилган ултиматумни 10-12 кунгача қисқартирди

АҚШ президенти Доналд Трамп Украинада тинчликни орнатиш келишувига қойилган 50 кунлик ултиматумни эндиликта 10-12 кунгача қисқартираётганини малум қилди.

Трампнинг сўзларига кўра, у якуний қарорни «бугун ёки эртага» қабул қилади.

Мен янги муддатни белгилайман: бугундан бошлаб тахминан ўн ёки 12 кун. Кутишга ҳеч қандай сабаб йўқ. Мен сахий бўлишни хоҳлардим, аммо биз ҳеч қандай ўзгаришни кўрмаяпмиз, — деди у Шотландияда Британия бош вазири Кир Стармер билан музокаралар якунида.

Трампнинг айтишича, у Украинада уришни тўхтатиш масаласини Владимир Путин билан бир неча бор муҳокама қилган.

Эслатиб ўтамиз, 14 июл куни Трамп Москвага Киев билан тинчлик сулхини тузишни талаб қилиб, 50 кунлик ултиматум берган эди. Агар бу талаб бажарилмаса, у Россиядан импорт қилинадиган товарларга 100 фоизлик тарифлар, шунингдек, ундан нефт, газ ва бошқа энергия ресурсларини сотиб олувчи давлатларга иккиламчи божлар жорий этиш билан таҳдид қилган.