Россия Бош прокуратураси Аэрофлот тизимига хакерлик ҳужумини тастиқлади
Россия Бош прокуратураси «Аэрофлот» тизимидаги носозлик хакерлик ҳужуми туфайли юзага келганини баён этиб, жиноий иш қўзғатилганини маълум қилди.
Россия Бош прокуратурасининг талабига биноан Шереметьево аэропортида парвозларнинг кечиктирилиши ва бекор қилиниши муносабати билан назорат чоралари ташкил этилди. Бунга хакерлик ҳужуми натижасида Аэрофлот ахборот тизимининг ишламай қолиши сабаб бўлган, — дейилади расмий хабарда.
Прокурор текшируви натижаларига кўра, Россия Федерацияси Жиноят кодексининг 272-моддаси 4-қисми (компьютер маълумотларига рухсатсиз кириш) билан жиноят иши қўзғатилган.
Ҳозирда Silent Crow хакерлик гуруҳи ва «Киберпартизан BY» билан биргаликда ҳужум учун жавобгарликни ўз зиммасига олди.
Аэрофлотнинг расмий баёнотида айтилишича, ҳодиса туфайли парвозлар жадвалига ўзгартиришлар киритилиши, жумладан, уларни кечиктириш ёки бекор қилиш мумкин. Йўловчилардан аэропорт веб-сайтлари орқали маълумотларни диққат билан кузатиб боришлари сўралган.
