Германияда поезднинг рельсдан чиқиб кетиши оқибатида 3 киши ҳалок бўлди
Германияда поезднинг рельсдан чиқиб кетиши туфайли 50 га яқин киши жабрланиб, 3 киши ҳалок бўлган. Бу ҳақда «ТАСС» маҳаллий манбага таяниб хабар бермоқда.
Воқеа якшанба куни соат 18:10 атрофида Ридлинген шаҳри яқинида содир бўлган. Deutsche Bahn компаниясидан келаётган минтақавий поезднинг икки вагони рельсдан чиқиб кетган. Фалокат вақтида поезда 100 га яқин йўловчи бўлган.
Ҳалок бўлганларнинг уч кишидан икки нафари темир йўл ходимлари, шу жумладан поезд машинисти ҳам бўлган.
Ҳодиса содир бўлган ҳудудда кучли ёғингарчилик туфайли канализация шахталаридан бири тўшиб кетди. Сув тупроқнинг қияликдан рельслар томон силжишига сабаб бўлди, бу эса поезднинг рельсдан чиқиб кетишига олиб келди, — дейилади Баден-Вюртемберг полициясининг матбуот хабарида.
Маълумотларга кўра, вагондаги барча йўловчиларга тиббий ёрдам кўрсатилган. Ушбу ҳудудда поездлар ҳаракати тўхтатилган.
