Аббосбек Файзуллаев расман «Истанбул Башакшехир» клубига ўтди
Ўзбекистон миллий терма жамоаси футболчиси Аббосбек Файзуллаев Москванинг ЦСКА жамоаси таркибидан «Истанбул Башакшехир» клубига кўчиб ўтди.
Эндиликда Ўзбекистон терма жамоасининг 21 ёшли ярим ҳимоячиси, фаолиятини Туркияда давом эттиради.
Файзуллаев ЦСКА сафида 2023 йилнинг август ойидан буён ўйнаб келган. Шу вақт ичида у 72 та матч ўтказиб, 8 та гол урди ва 22 та голли узатмани амалга оширди.
Файзуллаев ЦСКА билан биргаликда Россия кубоги, Россия Суперкубоги ва Россия Премер-лигасида бронза медалини қўлга киритган. Жамоадаги фаолияти давомида у Осиёда йилнинг энг яхши ёш футболчиси сифатида этироф этилган.
