«Miss Universe» унвонини ташкилотчилар билан жанжаллашган мексикалик Фотима Бош қўлга киритди
«Miss Universe» — 2025» танловида Мексика вакили Фатима Бош Фернандес ғолиб бўлди. Унинг ғалабаси бошқа иштирокчилар билан норозилик билдириб тадбирни тарк этганидан сўнг амалга ошди.
Маълумот учун, халқаро гўзаллик танловида можаро юз бериб, унда мексикалик иштирокчи Фатима Бош спонсорлик фотосессиясига бормагани учун ташкилотчилардан бири томонидан оммавий ҳақоратларга учраган.
Шундан сўнг, модел бир қатор бошқа иштирокчилар билан бирга тадбирни намойишкорона тарк этган. Можарога қарамай, Фотима мусобақага қайтиб, ушбу унвонни қўлга киритишга муваффақ бўлди.
Иккинчи ўринни Таиланд вакили Правенар Сингҳ эгаллади. Биринчи бешликка Венесуэла, Филиппин ва Кот-д’Ивуар вакиллари, Стефани Абасали, Ахтиса Манало ва Оливия Ясе ҳам кирди.
