Швецияда Ўзбекистон элчихонаси очилади
Шавкат Мирзиёев Ўзбекистоннинг Швециядаги дипломатик миссиясини тузиш тўғрисидаги фармонни имзолади.
Хабарга кўра, элчихонанинг фаолияти Швеция ва қолган скандинавия давлатлари билан икки томонлама алоқалар ва амалий ҳамкорликни ривожлантиришга қаратилади.
Таъкидланишича, устувор йўналишларга ҳамкорликни мустаҳкамлаш ва савдо-иқтисодий ҳамкорликни ошириш, инвестициялар ва технологияларни жалб қилиш ҳамда Швеция билан икки томонлама муносабатларнинг истиқболлари, таълим соҳасида ҳамкорлик қилиш, Швеция етакчи компанияларининг инновациялари ва инвестицияларини мамлакатимизга жалб этиш, савдо ва кооперация алоқаларини кенгайтиришни муҳим йўналишлар сифатида қайд этилди.
Эслатиб, ўтамиз аввалроқ Ўзбекистонга ЕХҲТнинг амалдаги раиси ташриф буюрган эди.
