Абитуриентларни онлайн рўйхатга олиш қачондан бошланиши эълон қилинди
Ўзбекистонда олий таълим муассасаларининг бакалавриат таълим йўналишларига абитуриентларни рўйхатга олиш бугун, 20 июнь куннинг иккинчи ярмида бошланади.
Қайд этилишича, айни вақтда 2023/2024-ўқув йили учун мақсадли қабул параметрлари ва қабул параметрларининг тиллар кесимидаги тақсимотини my.uzbmb.uz сайтига жойлаштириш ишлари якунланмоқда.
2023/2024-ўқув йили учун абитуриентларни онлайн рўйхатга олиш my.uzbmb.uz сайти орқали куннинг иккинчи ярмида бошланади.
Маълумот учун, абитуриентларни рўйхатга олиш ҳар йили 20 июндан 20 июлга қадар амалга оширилиши белгиланган.
