Венесуэладаги зилзила қурбонлари сони 1,9 минг кишидан ошди
Шу билан бирга, 10,5 мингдан ортиқ киши жароҳат олди
Венесуэлада юз берган зилзила қурбонлари сони 1900 нафардан ошиб кетди. Бу ҳақда мамлакат Миллий ассамблеяси раиси Хорхе Родригес маълум қилди, деб хабар бермоқда ТАСС.
Родригеснинг сўзларига кўра, ҳалок бўлганлар сони 1 943 нафарга етган, яна 10 571 киши эса жароҳат олган.
Эслатиб ўтамиз, Венесуэлада зилзила 24 июнь куни кечқурун юз берган эди.
Тахминан 40 сониялик фарқ билан магнитудаси 7,2 дан 7,5 гача бўлган иккита ер силкиниши қайд этилди. Уларнинг эпицентри Яракуй штатида, бир-биридан 10 км узоқликда жойлашган.
