Россиядан 16 нафар ота-она қарамоғисиз қолган бола Ўзбекистонга қайтарилди

Россиядан 16 нафар ота-она қарамоғисиз қолган бола Ўзбекистонга қайтарилди. Бу ҳақда Ижтимоий ҳимоя миллий агентлиги матбуот хизмати маълум қилди.

Ватанга қайтган болалар вақтинча Тошкент шаҳар ИИББ ҳузуридаги Вояга етмаганларга ижтимоий-ҳуқуқий ёрдам кўрсатиш марказига жойлаштирилди.

Маълум қилинишича, 11 нафар бола ота-онасига, қолганлари эса яқин қариндошларига топширилди.

Мутахассислар хорижда ота-она қарамоғисиз қолган болаларни аниқлаш ва уларга ижтимоий хизматлар кўрсатиш бўйича ишларни давом эттирмоқда.