Фарғона вилоятига янги прокурор тайинланди

Бахтиёр Исмоилов Фарғона вилоятига прокурор этиб тайинланди. Бу ҳақда вилоят ҳокимлиги хабар берди.

Фото: Фарғона вилояти ҳокимлиги

Хабарга кўра, Ўзбекистон Бош Прокурорининг буйруғига биноан, олдин Наманган вилояти прокурорининг биринчи ўринбосари лавозимида ишлаб келаётган Бахтиёр Исмоилов Фарғона вилояти прокурори этиб тайинланди.

Таъкидланишича, Бахтиёр Исмоилов 2017-2021 йилларда Фарғона вилояти прокурори ўринбосари, Фарғона вилояти прокурорининг биринчи ўринбосари лавозимларида фаолият юритган.