Сирдарёда 1,5 млрд сўмлик газни ўғирлаган корхона аниқланди
Сирдарё вилоятининг Мирзаобод туманида табиий газдан ноқонуний фойдаланиш оқибатида катта зарар келтирган корхона аниқланди. Бу ҳақда «Ҳудудгазтаъминот» матбуот хизмати маълум қилди.
Мутахассислар «Янгиҳаёт» маҳалласи ҳудудида текширув ўтказишди. Аниқланишича, маҳаллий корхонада иккита ностандарт ёндиргич ишлатилган.
Хабарда айтилишича, етказилган зарар 1,5 млрд сўмни ташкил этган.
Тўпланган ҳужжатлар тегишли чоралар кўриш учун ҳуқуқни муҳофаза қилиш органларига юборилди.
