Наманганда тадбиркорлик учун ажратилган 1,1 млрд сўм кредит маблағлари талон-торож қилинди
Наманганда тадбиркорлик учун ажратилган 1,1 миллиард сўм кредит маблағлари талон-торож қилинди.
Қайд этилишича, Бош прокуратура ҳузуридаги Департаментнинг Наманган шаҳар бўлими томонидан ўтказилган терговга қадар текширувда, «Н.С.» ишлаб чиқариш кооперативи раҳбари И.Т. гўшт маҳсулотлари ҳамда наслли қуёнларни етиштиришни ташкил этиш учун 1,1 миллиард сўм кредит олган.
Шунингдек, кредит маблағларини режада кўрсатилган тарзда сарфламасдан, ўзлаштириш йўли билан талон-торож қилган аниқланган.
Мазкур ҳолат юзасидан Жиноят кодексининг 167-моддаси (Ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилаётгани маълумқ қилинган.
