Рубио: Путин Зеленский билан учрашишга рози бўлди
Россия президенти Владимир Путин Украина етакчиси Владимир Зеленский билан учрашишга тайёр. Бу ҳақда АҚШ Давлат котиби Марко Рубио «Fox News» телеканалига берган интервьюсида айтиб ўтди.
Путиннинг «Яхши, мен Зеленский билан учрашаман» деганининг ўзи катта воқеа, — деди Рубио.
Унинг сўзларига, икки президент учрашувни «энг яхши дўст сифатида тарк этмаса хам, барибир бу учрашув муҳим қадам бўлади».
Эслатиб ўтамиз, Америка етакчиси Доналд Трамп президентлар учрашувини ташкил этиш ниятида бўлиб, у 15 ва 18 август кунлари Путин ва Зеленский билан музокаралар ўтказди.
Шундан сўнг АҚШ раҳбари навбатдаги учрашув уч томонлама бўлиши мумкинлигини маълум қилган.
