Тошкент вилоятида иссиқ сув ва иситиш хизматлари тарифлари оширилади
Тошкент вилоятида иссиқ сув ва иссиқлик таъминоти хизматлари учун янги тарифлар тасдиқланди. Бу ҳақда халқ депутатлари вилоят кенгашининг 18-августдаги қарорида айтилади.
Тарифлар Тошкент вилоятидаги иссиқлик таъминоти ташкилотлари томонидан берилган таклифлар асосида оширилмоқда.
Аҳоли учун тарифлар ҳудудга қараб ўртача 10 фоизга, улгуржи истеъмолчилар учун 8 фоиздан 95,3 фоизгача оширилади.
Янги тарифлар 10-сентябрдан кучга киради.
