Трамп ва Зеленский Оқ уйда музокаралар ўтказди. Учрашувда томонлар нималарни келишиб олди?
Оқ уйда 18-август куни АҚШ президенти Доналд Трамп ва Украина етакчиси Владимир Зеленский билан музокаралар булиб утди.
Вашингтонга Зеленский билан 7 нафар Европа етакчиси келди. Жумладан, Буюк Британия ва Италия бош вазирлари Кир Стармер ва Джорджа Мелони, Германия канцлери Фридрих Мерц, Финляндия ва Франция президентлари Александр Стубб ва Эмманюэль Макрон, НАТО бош котиби Марк Рютте ҳамда Европа комиссияси раҳбари Урсула фон дер Ляйен.
Учрашувда Трамп Украина давлати раҳбари билан учрашишни «буюк шараф» деб атади. Зеленский бунга жавобан америкалик президентга урушни тўхтатишга уринишлари учун миннатдорчилик билдириб, Россия билан уч томонлама ҳамкорликка тайёр эканини айтди.
Биз АҚШ президенти Трампни бу урушни дипломатик йўл билан тугатиш ёлидаги, шахсий ёрдамини қўллаб-қувватладик, — деди Зеленский.
Оқ уй раҳбари сўзларига кўра, Қўшма Штатлар Украинадаги урушни якунлашни ўт очишни тўхтатмасдан туриб ҳам амалга ошириш мумкин. Ушбу қадамлар, кейинчалик можарога нуқта қўйишга олиб келиши хам таъкидланди.
Менимча, ўт очишни тўхтатиш шарт эмас. Бу яхши нарса бўлиши мумкинлигини биламан, лекин нега стратегик жиҳатдан у ёки бу давлат буни хоҳламаслигини ҳам тушунаман, — деди Трамп.
Бу боради, Қўшма Штатлар Россиянинг Украинадаги урушини тугатиш бўйича тинчлик битими доирасида хавфсизлик кафолатларини таъминлашда иштирок этиши маълум қилинди. Трампнинг таъкидлашича, Европа давлатлари «биринчи мудофаа чизиғи» бўлса-да, Қўшма Штатлар уларга ҳам «ёрдам беради».
Трамп Зеленский ҳамда Европа давлат ва ҳукумат раҳбарлари билан учрашувлардан сўнг Путинга қўнғироқ қилиб, Украинадаги урушни тугатиш учун Путин ва Зеленский билан уч томонлама саммит ўтказишни кутаётганини айтди.
Зеленский, ўз навбатида, агар уруш тугаса, сайловларни хавфсиз шароитларда ўтказишга тайёрлигини билдирди. «Биз парламентда ишлашимиз керак, чунки уруш пайтида сайловлар ўтказиш мумкин эмас», деди у. Украина раҳбари «одамларга демократик, очиқ ва қонуний сайловлар ўтказиш имкониятини яратиш керак» эканлиги таъкидлади.
