Москвада аёлни лифтда зўрлаган ўзбекистонлик эркак 8 йилга қамалди
Москванинг Симоновский туман суди турар-жой биноси лифтида москвалик аёлни зўрлаган ўзбекистонлик устидан ҳукм чиқарди. Бу ҳақда 29 май, чоршанба куни Россия Тергов қўмитасининг Москва бўйича бош тергов бошқармаси бошлиғининг катта ёрдамчиси Юлия Иванова «Вечерняя Москва» нашрига маълум қилди.
Унинг сўзларига кўра, – 31 ёшли Ўзбекистон фуқароси жинсий зўрлашда айбдор деб топилган. Суд эркакни 8 йилга озодликдан маҳрум қилган.
Эслатиб ўтамиз, ушбу воқеа шу йилнинг 1 февраль куни Даниловский туманида содир булган. Айбланувчи нотаниш аёлга лифтда ҳужум қилган ва уни зўрлаган, шундан сўнг жабрланувчи полицияга мурожаат қилган.
