Тошкентда Matiz ёниб кетди

Тошкент шаҳри Юнусобод туманида Matiz бутунлай ёниб кетди. Бу ҳақда пойтахт ЙҲХБ ахборот хизмат хабар берди.

Воқеа, бугун, 6 декабрь куни соат тахминан 06:50 ларда Юнусобод тумани Абдулла Қодирий кўчасида содир бўлган. Matiz ҳайдовчиси руль бошқарувини йўқотиб бетон тўсиққа тўқнашгани оқибатида автомашинада ёнғин юзага келган.

Ёнғин туман ФВБ ходимлари томонидан бартараф этилган. ЙТҲ оқибатида тан жароҳат олганлар бўлмаган.

Ҳодиса юзасидан ЙҲХБ ҳамда ФВБ ходимлари томонидан суриштирув ҳаракатлари олиб борилмоқда, дейилади хабарда.