АҚШ Гренландияни аннексия қилиши мумкин
АҚШ президенти Дональд Трамп Гренландияни аннексия қилиш масаласида ҳарбий куч ишлатиши мумкин. Бу ҳақда у NBC News’га берган интервьюсида маълум қилди.
Интервьюда Трамп ушбу орол АҚШ учун стратегик жиҳатдан муҳим эканини таъкидлаб, агар зарурат туғилса, ҳарбий куч ишлатиш имкониятини ҳам инкор этмагaн.
«Мен буни аниқ қиламан демаяпман, лекин ҳеч нарсани истисно қилмайман. Бизга Гренландия жуда керак. Ўша ерда яшайдиган оз сонли инсонларга биз ғамхўрлик қиламиз», — деди Трамп интервьюда.
Гренландиянинг табиий ресурсларга бойлиги, стратегик жойлашуви ва АҚШ–Европа ўртасидаги геосиёсий позицияси бу ҳудудга бўлган қизиқишни кучайтирган еди. АҚШдан ташқари, Россия ва Хитой ҳам Гренландия билан фаол алоқалар ўрнатишга уринмоқда.
Бироқ Дания ва Гренландия раҳбарияти бу ташаббусни қатъиян рад этмоқда. Орол бош вазири Йенс-Фредерик Нилсен илгарироқ «Гренландия фақат бизга тегишли» эканини ва орол келажаги фақат маҳаллий аҳолига боғлиқлигини билдирган эди.
Доналд Трамп аввалроқ Канадани ҳам «51-штат» сифатида аннексия қилиш эҳтимолини тилга олгани АҚШ ва Канада ўртасидаги дипломатик муносабатларга салбий таъсир кўрсатган эди.
