Трамп Путинга Москвага зарба бериш билан таҳдид қилганини айтди

АҚШ собиқ раҳбари Доналд Трамп Россия президенти Владимир Путинга Москвага зарба бериш билан таҳдид қилганини айтди. Бу ҳақда у Тhe Wall Street Journal нашрига берган интервьюсида маълум қилди.

Мен Владимирга шундай дедим: «Агар Украина ортидан қувсанг, сенга шундай зарба бераманки, ҳатто ишонмайсан. Москванинг қоқ марказига зарба бераман. Биз дўстмиз, буни хоҳламайман, лекин бошқа танловим йўқ», дея таъкидлади Трамп.

Унинг айтишича, Путин «no way» (яъни «ҳеч қачон» ёки «бўлиши мумкин эмас») деб жавоб қайтарган.

Трамп бу суҳбат қачон ва қандай шароитда бўлиб ўтганини тушунтирмаган, аммо Путин билан муносабатлари аъло даражада эканини ва Россия президенти унинг «телбалигини билишини» таъкидлаган.

Аввалроқ, Трамп ва Путиннинг сирли учрашуви очиқлангани ҳақида хабар берган эдик.