Андижонда вояга етмаган болани шафқатсизларча калтаклаган эркакнинг шахси аниқланди

Эркакнинг шахси аниқланиб, ички ишлар бўлимига олиб келинди

Ижтимоий тармоқларда эркак киши вояга етмаган болани шафқатсизларча калтаклаётгани акс этган видео тарқалди. Мазкур вазият юзасидан ИИВ Жамоат хавфсизлиги департаменти матбуот хизмати муносабат билдирди.

Видеога олинган воқеа Андижон вилоятининг Шаҳрихон туманида содир бўлган.

Болага нисбатан зўравонлик қилган эркакнинг шахси аниқланиб, ички ишлар бўлимига олиб келинди, — дейилади хабарда.

Мазкур ҳолат бўйича кўрилган чоралар ҳақида маълумот берилиши таъкидланди.