Наманганда хонадон 3,2 млрд сўмлик электрни ноқонуний ишлатгани аниқланди
Наманган шаҳрида кўп миқдордаги электрдан ноқонуний фойдаланиш ҳолатига чек қўйилди, деб хабар бермоқда «Ҳудудий электр тармоқлари» матбуот хизмати.
Рейд тадбирлари давомида шаҳардаги «Гулпора» МФЙ ҳудудида жойлашган фуқаро А.О.га қарашли хонадоннинг электр энергиясидан фойдаланиши кўрикдан ўтказилган. Натижада фуқаро электрдан ҳисоблагичдан ташқари фойдаланиб келаётгани аниқланган. Хонадон тегишли тартибда электр таъминотидан ажратилган.
3,2 миллиард сўмлик ҳисобга олинмаган электр энергияси қиймати қайта ҳисоб-китоб қилиниб, тўпланган ҳужжатлар ҳуқуқни муҳофаза қилувчи органларга юборилди.
