Тошкент Ботаника боғида ёнғин содир бўлди
Маълум бўлишича, боғнинг ўрмон фондига зарар етмаган. Бу ҳақда ФВВ хабар берди.
Хабарга кўра, 16 май куни соат 11:55 да Юнусобод туманида жойлашган Тошкент Ботаника боғининг орқа томонида, очиқ майдонда қуриган хас-хашак ва буталган шох-шаббаларда ёнғин содир бўлган.
Ҳодиса юзасидан Тошкент шаҳар Фавқулодда вазиятлар бошқармаси ёнғин-қутқарув гуруҳи воқеа жойига етиб борган.
Қайд этилишича, ёнғин вақтида ўраб олиниб, боғ ҳудудига ўтишининг олди олинган.
Таъкидланишича, ёнғиндан жабрланганлар йўқ.
Ҳолатнинг келиб чиқиш сабаблари аниқланмоқда.
