Давлат томонидан учта меҳмонхонага субсидия берилди
8 июнь куни Ўзбекистон Республикаси Бош вазир ўринбосари – Туризм ва спорт вазири Азиз Абдуҳакимов уч меҳмонхона раҳбариятига субсидия сертификатларини топширди. Бу ҳақда Туризм ва спорт вазирлиги ахборот хизмати TezNews’га хабар қилди.
Фото: Туризм ва спорт вазирлиги ахборот хизмати
Хабар берилишча, Вазирлар Маҳкамасининг «Меҳмонхона хўжалиги фаолиятини янада ривожлантириш учун қулай шарт-шароитлар яратиш чора-тадбирлари тўғрисида»ги қарори асосида:
- «Gabrielle Invest» МЧЖга Тошкент шаҳрида 50 хонали 3 юлдуз тоифасидаги жойлаштириш воситасини қуриб фойдаланишга топширганлиги учун 2 миллиард сўм;
- «Regal Stay Hotel» МЧЖга Тошкент шаҳрида 74 хонали 3 юлдуз тоифасидаги жойлаштириш воситасини қуриб фойдаланишга топширгани учун 2 миллиард 960 миллион сўм;
- «Avesta Technologies» МЧЖга «Courtyard by Marriot» бренди остида Тошкент шаҳрида 131 хонали 4 юлдуз тоифасидаги жойлаштириш воситасини қуриб фойдаланишга топширганлиги учун 8 миллиард 515 миллион сўм миқдорида давлат томонидан субсидиялар ажратилди.
Фото: Туризм ва спорт вазирлиги ахборот хизмати
Шунингдек, «Avesta Technologies» МЧЖга «Courtyard by Marriot» бренди остида Тошкент шаҳрида 131 хонали 4 юлдуз тоифасидаги жойлаштириш воситасини қуриб фойдаланишга топширганлиги учун 52 400 АҚШ доллари миқдорида субсидия ажратилган.
Фото: Туризм ва спорт вазирлиги ахборот хизмати
Қайд этилишича, ушбу субсидия юқоридаги қарор доирасида ташкилотларни қисман молиялаштиришнинг 4 юлдузли тоифага эга бўлган дастлабки 30 меҳмонхона — ҳар бир меҳмонхонанинг битта хонаси учун йиллик 400 АҚШ доллари эквивалентида амалга оширилади.
Фото: Туризм ва спорт вазирлиги ахборот хизмати
Фото: Туризм ва спорт вазирлиги ахборот хизмати
