Британиялик олимлар ковидга қарши «махсус» иммунитети бор касб эгаларини аниқлади
Британиялик олимлар шифохоналарда ишлайдиган шифокорлар коронавирусга қарши «махсус» иммунитетга эга эканини аниқлади.
Қайд этилишича, тадқиқот давомида Буюк Британия клиникаларидан бирининг 58 нафар ходими яширин инфекцияларни аниқлаш ва антитаначалар даражаси бўйича кузатилган. Эксперимент иштирокчилари тўрт ой давомида ижобий ПЦР натижаларини кўрсатмаган, ҳатто иш жойидаги ҳамкасблари инфекцияланган бўлса ҳам, улар касалликни юқтириб олмаган.
Тадқиқот иштирокчиларининг 20 нафарида экспертлар Т-ҳужайра концентрациясининг ортиб бораётган даражасини аниқлаган, яна 19 кишида «IFI 27» деб номланган қўшимча иммун оқсили топилган.
Таъкидланишича, бу протеин Sars-CоV-2 билан олдинги алоқани кўрсатиши мумкин. Илмий иш муаллифларининг фикрича, текширувдан ўтган шифокорларда юқумли жараён негадир тўхтаб қолган. Вирус танага кирганига қарамай, шифокорлар иммунитети уни жуда тез енгган. Қайд этилишича, олимлар ҳозирда бу бўйича тадқиқот ишларини давом эттиришни режалаштирмоқда.
