Хабарга кўра, Халқ депутатлари Андижон шаҳар кенгаши депутати Жаҳонгир Жиянов айрим мансабдор шахслар томонидан депутатларга босим ўтказилаётгани, кенгашнинг «қонунлар ва қонун ости ҳужжатларига зид» қарорларидан норозилигини билдирган.
«Биз маҳаллий кенгашлар депутатлари дахлсизлиги қўпол равишда бузилаётгани эътиборсиз қолдирилаётганидан ўз эътирозимизни билдирамиз», —дейилади хабарда.
Қайд этилишича, президентдан вазиятни назоратга олишни ва маҳаллий кенгаш депутатларининг дахлсизлигини кучайтиришни сўраган.
«Бундан кўриниб турибдики, қонунни ҳимоя қилувчи органларнинг ўзлари бутун республикаг ўрнак бўлиш ўрнига президент қарорларига, ҳукумат қарорларига қарши чиқаяпти, деб ўйлайман. Депутатга бўлган ҳурматсизлик, бу — халққа бўлган ҳурматсизликдир. Чунки бу депутатни халқ сайлаган, ҳар бир депутатнинг ортида халқ турибди», — деди Хўжаобод тумани кенгаши депутати Элёрбек Абдураимов.
