Ўзбекистон Озиқ-овқат саноати уюшмасининг очилиш маросими бўлиб ўтди
26 май куни Тошкентда Ўзбекистон Озиқ-овқат саноати уюшмасининг очилиш маросими бўлиб ўтди. Бу ҳақда Tez News мухбири хабар бермоқда.
Фото: Ўзбекистон Озиқ-овқат саноати уюшмаси
Хабар берилишича, уюшма 2020 йилнинг 29 октябрь кунида ташкил этилган бўлиб, тадбиркорлардан шу кунга қадар 500 дан ортиқ мурожаатлар келиб тушган.
Ўзбекистон Озиқ-овқат саноати уюшмаси раиси Баҳодир Умиршайховнинг қайд этишича, уюшма 7 ой ичида қуйидаги ишларни амалга оширган:
- уюшма аъзолари ҳисобланган ташкилотлар томонидан ишлаб чиқарилган маҳсулотларнинг товар белгиларини қалбакилаштирган корхоналар аниқланди;
- келишмовчиликлар ижобий ҳал қилинди;
- уюшма ходимлари шакардан акцис солиғини олиб ташлаш ишларида фаол иштирок этди;
- музқаймоқ маҳсулотлари экспортининг яроқлилик муддати 2 ойдан 1 йилга узайтирилди;
- 7 дан ортиқ ҳалқаро кўргазмада маҳаллий тадбиркорларнинг иштирок этишини таъминлади.
Таъкидланишича, ташкилот замонавий озиқ-овқат маҳсулотларини ишлаб чиқариш технологиясини механизатсиялаш ва маҳаллий миқёсда тайёрланган озиқ-овқат маҳсулотларини четга экспорт қилишга кўмаклашади.
