Ўзбекистонга яна 500 минг доза вакцина келтирилди

19 май куни 3-босқич синовлари мамлакатимизда ўтказилган, ўзбек-хитой олимлари ҳаммуаллифлигидаги ZF-UZ-VAC2001 вакцинасининг яна 500 минг дозаси олиб келинди. Бу ҳақда ССВ хабар берди.

Фото: ССВ

Қайд этилишича, ушбу вакцинадан 1 миллион доза келтирилиб, эмлаш жараёнларида фойдаланилаётган ZF-UZ-VAC2001 миқдори 3 миллион дозага етган эди.

Шунингдек, 1 апрелдан 18 майгача бўлган муддатда Ўзбекистонда жами 1 412 312 доза вакцинадан фойдаланилди. Улардан 1-босқичда эмланганлар 1 125 995 нафарни, 2-босқичда эмланганлар 286 317 нафарни ташкил қилди.

Эслатиб ўтамиз, аввалроқ​ ⚡️Ўзбекистонга ZF-UZ-VAC2001 вакцинасининг учинчи миллион дозаси олиб келинди деб хабар берган эдик.