Xiaomi тақдим этади Redmi 15C: нафис дизайн, кенг экран ва кундалик қувват
Xiaomi бугун Redmi 15C смартфонини тақдим этди.
У нафис ва замонавий дизайнни 6,9 дюймли кенг экран билан уйғунлаштириб, кундалик фойдаланишда янада ёрқин таассуротлар тақдим этади. Катта сиғимли батарея ва тезкор зарядлаш билан жиҳозланган Redmi 15C кун давомида барқарор ишлаш учун яратилган.
Redmi 15C ингичка корпус ва қўлга қулай, мувозанатли тўрт томонлама 3D эгри орқа панелга эга. Унинг «сузувчи» камера модули эса дизайнга нафислик бағишлайди. Қурилма тўртта рангда тақдим этилади — Midnight Black, Mint Green, Moonlight Blue ва Twilight Orange. Шулардан Moonlight Blue ва Twilight Orange ранглари денгиз тўлқинлари ва турли вақт оралиқдаги қуёш нурларидан илҳомланиб, икки рангли магнит сиёҳ технологияси ёрдамида яратилган.
Олд қисмида жойлашган 6,9 дюймли HD+ дисплей 120Hz AdaptiveSync частотаси билан силлиқ ва равон кўриниш беради. 50MP AI иккиталик камера эса турли ёруғлик шароитида тиниқ ва аниқ суратларни тақдим этади. Ингичка корпусига қарамай, Redmi 15C 6000 мА·соат сиғимли аккумуляторга эга — у 22 соатлик видео томоша қилиш ёки 82 соатлик мусиқа тинглаш имконини беради. 33Ватт тезкор зарядлаш батареяни атиги 31 дақиқада 50% гача қувватлайди. Шунингдек, тескари зарядлаш функцияси бошқа қурилмаларни ҳам қувватлаш имконини беради.
Смартфон MediaTek Helio G81-Ultra процессори асосида ишлайди, хотирани кенгайтириш технологияси орқали 16GB гача тезкор хотира, ҳамда 1TB гача ташқи хотира ни қўллаб-қувватлайди. Қурилма кундалик иловалар, енгил ўйинлар ва кўп вазифали ишлашда юқори самарадорликни таъминлайди. У Xiaomi HyperOS 2 операцион тизимида ишлайди ва Google билан Circle to Search, Google Gemini интеграцияси каби ақлли ёрдамчи функцияларни таклиф этади. Бундан ташқари, Xiaomi Interconnectivity функциялари — қўнғироқларни синхронлаш ва умумий clipboard орқали телефон, планшет ва компьютер ўртасида ишлашни янада қулай қилади.
IP64 ҳимоя даражаси қурилмани чанғ ва сув сочрашидан ҳимоя қилади, 200% овоз кучайтириш функцияси эса шовқинли муҳитда ҳам мусиқани, огоҳлантиришларни ва қўнғироқларни равшан эшитишга ёрдам беради.
Redmi 15C қуйидаги конфигурацияларда тақдим этилади: 4GB+128GB, 6GB+128GB, 4GB+256GB ва 8GB+256GB, нархлари эса 119 АҚШ долларидан бошланади. Нарх минтақага қараб фарқ қилиши мумкин.
Нархлар: 1 499 000 сўмдан
Сотиб олишингиз мумкин: Texnomart, Idea, Uzum Market, ISHONCH
