Тошкент метросининг тўртта бекатида янги кириш қисмлари очилади
Тошкент метрополитенининг тўртта бекати иккинчи кириш йўлакларини очади, деб хабар берди пойтахт метрополитени матбуот хизмати.
Хусусан, йўловчи оқимининг ортиб бораётгани сабаб, аввал йўловчи оқими камлиги сабабли узоқ йиллар давомида ёпиқ бўлиб келган «Ўзбекистон», «Машинасозлар», «Ғафур Ғулом» ва «Миллий боғ» метро бекатларининг бир томон кириш (вестибюл) қисмларида техник янгилаш ишлари амалга оширилди.
Ҳозирда ушбу вестибюлларда барча техник жараёнлар якунланиб, бекатлар замонавий техник жиҳозлар билан тўлиқ таъминлангани хабар қилинди.
Шу муносабат билан, 2025-йил 11-декабрдан бошлаб мазкур вестибюллар йўловчилар учун қайта очилади, — деб маълум қилинди.
