Andijon shahridagi 2800 ta ehtiyojmand oilaga arafalik ehsonlar tarqatildi
Qurbon hayiti munosabati bilan 29-iyul, chorshanba kuni Andijon shahridagi 2800 ta ehtiyojmand oila uchun jonliq so‘yilib, arafalik ehsonlar tarqatildi. Bu haqda Andijon viloyati matbuot xizmati xabar berdi.
Foto: Andijon viloyati hokimligi matbuot xizmati
Ushbu tadbir Andijon shahar hokimi Bahromjon Haydarov tomonidan “Saxovat va ko‘mak” harakati doirasida o‘tkazildi.
Foto: Andijon viloyati hokimligi matbuot xizmati
Shahar hokimi rahbarligida bir guruh mutasaddilar xonadonlarda bo‘lib, aholi holidan xabar oldi. Ular tomonidan berilgan bayram sovg‘alari, oziq-ovqat mahsulotlari oilalarga quvonch ulashdi, deyiladi xabarda.
Foto: Andijon viloyati hokimligi matbuot xizmati
Ma’lumot uchun, O‘zbekiston musulmonlari idorasi Qurbon hayitining birinchi kuni 31-iyulga to‘g‘ri kelishini ma’lum qilgan edi. Shuningdek, O‘zbekiston Prezideni Qurbon hayitining birinchi kunini karantin qoidalariga asoslanib nishonlash to‘g‘risidagi qarorni qabul qilgan edi.
Foto: Andijon viloyati hokimligi matbuot xizmati
Avvalroq Qo‘rg‘ontepada 60 nafar ijtimoiy himoyaga muhtoj xotin-qiz holidan xabar olingan edi. Shuningdek, Andijonda 95 yoshli onaxonga nogironlar aravachasi topshirilgani va aholini kambag‘allikdan chiqarish bo‘yicha fuqarolarga 470 bosh zotdor echki tarqatila boshlangani haqda xabar berilgan edi.
