Павел Дуров Францияда қўлга олинди

24 август куни, Павел Дуров ўз тан соқчиси ва бир аёл билан Озарбайжондан Парижга бизнес-джетда учиб келганда Франция жандармлари томонидан қўлга олинди.

Телеграм асосчисига терроризм, наркотик моддалар айланмасида ҳамкорлик, фирибгарлик, ноқонуний маблағларни легаллаштириш ва педофил контент бўйича айбловлар қўйилган. Тахминларга кўра, шундай йўл билан, Телеграм асосчиси сифатида Павел Дуровни террорчилик ишлари бўйича ҳамкорлик қилишга, яъни шифрланган суҳбат ва ёзишмаларга кириш имконини олишмоқчи.

Яна бир айбловлардан бири — футбол. Мухлислар тўлов асосида футбол бўйича Ligue 1 Франция чемпионати ўйинларини кўриш ўрнига, улар Телеграм орқали бепул, яъни қароқчи трансляцияларни кўришган.

Павел Дуров 2021 йилда Франция фуқаролигини олган ва француз сифатида суд кутмоқда. Ҳозирги маълумотларга кўра, унга 20 йиллик жазо қўлланилиши мумкин.

Бу янгиликлардан сўнг, Toncoin криптовалютасини нархи кескин тушиб кетди.