Қашқадарёда 17 ёшли футболчи чўкиб кетди

Қашқадарё вилоятининг Қамаши туманида жойлашган «Чимқўрғон» сув омборида 17 ёшли футболчи А.Т. чўкиб кетди. Бу ҳақда «Nasafnews» хабар берди.

Фото: Repost.uz

Хабарга кўра, 6 июль куни А. Т «Чимқўрғон» сув омборига чўмилиш учун борган ва чўкиб кетиб, вафот этган. Қамаши тумани ҳокимлиги ахборот хизмати раҳбари Нурбек Расуловнинг такидлашича, марҳум йигитнинг жасади экспертизадан ўтказиш учун олиб кетилган.

Қайд этилишича, 17 ёшли йигит «Қамаши» футбол клубининг энг ёш футболчиси ҳисобланган. Жамоанинг яқинда ДХХ кубогини қўлга киритишида унинг ҳам катта ҳиссаси бўлган.

Аввалроқ, Фарғонада 22 ёшли аёл ўзини Катта Фарғона каналига ташлаб, чўкиб кетган эди.

Шунингдек, Намангандаги Катта Наманган каналида чўкиб кетаётган қиз қутқариб қолинди деб хабар берган эдик.