Метрополитендан 9 ой ичида 200 млн нафардан ортиқ йўловчи фойдаланди

Жорий йилнинг январ-сентябр ойларида метрополитен орқали жами 205,7 млн нафар йўловчи ташилган. Бу ҳақда Миллий статистика қўмитаси маълум қилди.

Бу кўрсаткич 2024 йилнинг мос даври билан солиштирилганда 14,4 млн йўловчига ёки 7,5 фоизга ошгани билдирилди.

Қайд этилишича, мазкур даврда метрополитенда бир кунда ўртача 753,5 минг нафар йўловчи ташилган.