Юнон-рум кураши бўйича Ўзбекистон U-15 терма жамоаси Осиё чемпионати ғолибига айланди

Спортчилар умумжамоа ҳисобида биринчи ўринни қўлга киритди

Ўзбекистон юнон-рум курашчилари U-15 ёш тоифасида Осиё чемпионати ғолибига айланишди, дея хабар бермоқда МОҚ матбуот хизмати.

Эслатиб ўтамиз, Таиланднинг Паттая шаҳрида U-15 ва U-20 ёш тоифаларидаги Осиё чемпионатига старт берилган эди.

Айни пайтда U-15 ёш тоифасида юнон-рум кураши баҳслари якунига етди. Унда ўзбекистонлик спортчилар 3 та олтин, 1 та кумуш ва 4 та бронза медаллари билан умумжамоа ҳисобида биринчи ўринни қўлга киритди.

Олтин медал:

• -38 кг: Абубакр Қурбонов;

• -41 кг: Маҳмуджон Аҳмедов;

• -44 кг: Бобур Сайфуллоев.

Кумуш медал:

• -68 кг: Руслан Овезмуратов.

Бронза медал:

• -48 кг: Мирислом Ғофуров;

• -52 Абдулазиз Хотамов;

• -62 кг: Беҳруз Абдупаттоев;

• -85 кг: Темур Уралов.