Сурхондарёда ҳайдовчи маст 2 пиёдани уриб юборди
Сурхондарё вилояти Сариосиё туманида яшовчи фуқаро юк машинасини бошқариб келаётиб, 2 кишини уриб юборди. Оқибатда 1 киши вафот этди.
Аниқланишича, воқеа кеча, 5 май куни соат 15:30 ларда Сариосиё туманида содир бўлган. Мазкур туманда яшовчи 1997 йилда туғилган фуқаро автомашинасини маҳаллий йўлининг 6 км, «Келажак сари» маҳалласи ҳудудида бошқариб келиб, маст ҳолда ҳаракатланиб йўлнинг ўнгдан чапга кесиб ўтаётган икки нафар пиёдаларни туртиб юборган. Оқибатда фуқаро М.Қ. ва З.Т.лар тан жароҳати олиб туман шошилинч тез тиббий ёрдам бўлимига ётқизилган. Шифохонада 1979 йилда туғилган фуқаро М.Қ. олган оғир тан жароҳати сабабли вафот этган.
Ҳолат юзасидан Сариосиё тумани Ички ишлар бошқармаси Тергов гуруҳи томонидан жиноят иши қўзғатилиб, ҳозирда дастлабки тергов ҳаракатлари олиб борилмоқда.
